Famalicao
O agradecemento polo noso recibimento é infinito. O agarimo, irmandade, amizade de Augusta, Fátima e Marcelino fican con nós para sempre.
Obrigado de coraçao. Galería de fotos
 |
 |
 |
 |
 |
 |
 |
 |
 |
 |
A relación entre o centro educativo Camilo Castelo Branco de Famalicão en Portugal e o IES 12 de Outubro de Ourense forxouse a través dun vínculo especial que transcende fronteiras, unindo as nosas comunidades mediante a cultura e o coñecemento. A biblioteca de ambos os centros é un dos nexos fundamentais nesta colaboración, servindo como unha ponte de intercambio cultural e educativo.
A nosa irmandade cultural maniféstase en diversas actividades conxuntas, como o intercambio presencial no mes de marzo e diferentes proxectos de comunicación oral e escrita, lecturas compartidas e eventos literarios que celebran a riqueza das nosas linguas e tradicións. Este intercambio non só enriquece os nosos estudantes, senón que tamén fortalece os lazos de amizade e cooperación entre Galiza e Portugal e a nosa lingua común.
A través da biblioteca, creamos un espazo para promovermos valores de respecto, diversidade e colaboración. Esta alianza non só beneficia os nosos estudantes, senón que tamén fomenta un sentido de comunidade e pertenza que perdurará no tempo. A continuación a ligazón á páxina da biblioteca da agrupación de escolas Castelo Branco en que o 12 loce con orgullo. Enlace
Vídeo do Agrupamento de escolas Camilo Castelo Branco de Famalicão "As bibliotecas" Enlace ao vídeo
